Friday, November 1, 2013

2014 அட்டவணையும்- சில கருத்துக்களும்.


















மிகுந்த எதிர்பார்ப்புடன் வெளிவந்துள்ள 2014 அட்டவணை பலருக்கு ஏமாற்றத்தையே தரக் கூடியதாக அமைந்துள்ளது.
2014- ல் வெளிவருவதாக சொன்ன திகில் நகரில் டெக்ஸ்,
மர்ம மனிதன் மார்ட்டீன், சி.ஐ.டி ராபின், டேஞ்சர் டயபாலிக், ஜெஸ்லாங் போன்ற கதைகளுக்கு இந்த வருடமும் கல்தா கொடுக்கப் பட்டுள்ளது. கார்ஸனின் கடந்த காலம் கதை வெளிவந்து சில வருடங்கள் தான் ஆகிறது. அதுவும் கருப்பு, வெள்ளையில் வெளிவந்த இதழ் அனேகம் பேரிடமும் இருக்கக் கூடியது, அதை திரும்பவும் கருப்பு வெள்ளையில்   (வண்ணத்தில் போடாமல்) போடுவது ஏனென்று புரியவில்லை. 
அதே போல் பூம் பூம் படலம், நிழல் 1 நிஜம் 2 கதையும் சமிபத்தில் வெளிவந்த கதைதான், இதற்கு பதில் மினி லயனில் வெளிவந்துள்ள புரட்சித்தீ, பயங்கரப் பயணம், நீலப்பேய் மர்மம், ராஜா ராணி ஜாக்கி, விண்வெளியில் ஒரு எலி, மாயத்தீவில் அலிபாபா, வெள்ளைப் பிசாசு, நடுக்கடலில் எலிகள், ஒரு நாணயப் போராட்டம், கொள்ளைக்கார கார் போன்று கிடைக்காத அரிய கதைகளை வண்ணத்தில் மறுபதிப்பாக வெளியிட்டால் நன்றாக இருந்திருக்கும், 




கமான்சே கதையையும், ப்ளுகோட்ஸ் பட்டாளத்தின் கதையையும்  ஒன்றாக குறைத்திருக்கலாம், அதற்கு பதில் மேலே உள்ள கதை நாயகர்களுக்கு  வாய்ப்புகள் வழங்கியிருக்கலாம். மற்றும் கிராபிக் நாவல்களுக்கு நாம் இன்னும் பழகவே இல்லை, ஒயில்ட் வெஸ்ட் ஸ்பெஷலில் வெளிவந்துள்ள எமனின் திசை மேற்கை தவிர மற்ற கதைகள் எல்லாம் சொதப்பல்தான், அதற்குள் கிராபிக் நாவலுக்கென தனியாக கிராபிக் நாவல் சன்ஷைன் ஆரம்பிப்பது இன்னும் சொதப்பலாகத்தான் முடியக்கூடுமே, அதற்கு பதில் வருடத்திற்கு ஒரு கிராபிக் நாவல் என்னும் முயற்ச்சியோடு இதை விட்டு,விட்டு வெளிவந்துள்ள, வெளிவராத பல நாயகர்களின் கதைளில் இன்னும் கூடுதலாக தீவிரம் காட்ட முயற்சிக்கலாம்,  அதே போல் இப்பொழுதுதான் 50, 100 என்று விலையில் வாசகர்கள் செட்டாகி வரும் நேரத்தில் திடுப்பென விலையை 60. 120 என்று ஏற்றுவது விற்பனையின் விகிதத்தையும், புதிய வாசகர்களின் வரவையும் தடாலடியாக குறைக்கக் கூடும். அதற்கு பதில் filler pages, வலையின் மறுபக்கம், மியாவி, கார்பீல்ட்  என எதுவும் இல்லாமல் (உதாரணத்திற்கு தற்போது வெளிவந்துள்ள 
 ஒரு சிப்பாயின் சுவடுகள்) கதைகளை மட்டும் வெளியிட்டு 100 ரூபாய் விலையிலேயே புத்தகத்தை வெளியிட முயற்சிக்கலாம்.. அல்லது 
இது போல வேறு முயற்சிகள் இருந்தாலும் எடுக்கலாம். மாதந்தோறும் இரண்டு வண்ண கதைகள் (புதியது அல்லது மறுபதிப்பு) 100 ரூபாயில் ஒன்றும், கருப்பு வெள்ளை 50 ரூபாயில் ஒன்றும் மட்டும் வெளியிடலாம், அதிக கதைகள் அதிக விலைகள் பலரின் பர்ஸ்களை பதம் பார்ப்பது நிச்சயமே, அதே போல் மறு பதிப்பு கதைகள், கார்ட்டூன் கதைகள் மட்டும் சன்ஷைன் லைப்ரரியிலும், ஆக்‌ஷன் கதைகளான டெக்ஸ், டைகர் போன்ற நாயகர்களின் கதைகள் லயன், முத்துவில் மட்டும் தொடர்ந்து வெளிவந்தால் சில குழப்பங்களை தவிர்க்கலாம். நண்பர்களே இந்த பதிவைப் பற்றிய உங்கள் கருத்துக்களை நீங்களும் இங்கு பகிரலாமே?